Festa e Birrës shënon kulmin e sezonit turistik për qytetin e Korçës. Pas suksesit të katër viteve më parë, kjo festë vjen edhe këtë vit, në edicionin e pestë të saj, e shumëfishuar në të gjitha komponentët. Me sloganin “Festa e birrës … Vetëm në Korçë”, synohet kthimi i saj në një traditë të përvitshme me përmasa gjithnjë e në rritje, duke bërë të mundur gjallërimin e jetës në qytet si dhe tërheqjen e sa më shumë turistëve vendas dhe të huaj.

Mos mungoni!

Festa e Birrës, festa më e madhe në Shqipëri nderohet me Çmimin Shqiptar të Turizmit
 
Festa e Birrës në Korçë, tashmë, një festë e njohur në gjithë Shqipërinë dhe rajonin është nderuar me çmimin shqiptar të turizmit, akorduar nga Ministria e Turizmit Rinisë dhe sporteve si dhe Shoqata e Turizmit Shqiptar. Juria e përbërë nga emra të njohur si dhe ndërkombëtarë kanë vlerësuar Bashkinë e Korçës dhe projektin e saj “Festa e Birrës” si më i miri, si një praktikë e veçantë në llojin e vet për të promovuar Korçën si destinacion turistik.